Hi Nghenelwe!

Hi nghenelwe eAfrika Dzonga
Swingomantata na Tinsulavoya
Va ambala tisudi leto vangama
Va pfula Bibele vaku i vaporofeta
Vahundzurile yindlu ya Yehovha
eBako ra makhamba
Va khoma nkuzi xi lo hosii!

Afrika Dzonga, Hi nghenelwe!

Hi nghenelwe hi vuvabyi
Bya ku kala xitshungulo
Hi nghenelwe hi vadzika-ndleve
Va ku tshika ndlela
Va famba hi nhova
Varhangeri va lunya na makolo
Va phangha va tsona swihlangi

Hi nghenelwe hi dyandza
Hi nghenelwe hi ndhambhi
Hi nghenelwe hi madzolonga
Yo koxa vutomi bya varikwerhu
Xana hita balekela kwihi
Hikuva eDzongeni ra Afrika
Hi Nghenelwe!

Advertisements